لە ساڵیادی شۆڕشی #ژن_ژیان_ئازادی ئاکسیۆنێک لە شاری کۆپنهاگی دانمارک بەڕێوە چوو+ وێنە
لە ساڵیادی گیانبەختکردنی #ژینا_ئەمینی ئاکسیۆنێک بە سەرپەرشتی ڕێکخراوی لێبوردەیی نێونەتەوەیی لقی دانمارک (Amnesty International Denmark) و بەشداریی دە حیزب و رێکخراو بەڕێوەچوو کە بریتی بوون لە:
١-کۆمەڵەی شۆڕشگێڕی زەحمەتکێشانی کوردستانی ئێران
٢- بسوی آزادی
٤-بلوچستانءِ اُستمانءِ گل
٥- حیزبی دیموکراتی کوردستان
٦-کانون اندیشە
٧-اتحاد برای ایران
٨-صدای ایران
٩-کانون ایرانیان آزادیخواە- ادنسە
١٠-کمیتە مالمو
ئاکسیۆنەکە بە چەند سرودێکی نەتەویی و شۆڕشگێڕانە دەستیپێکرد و دواتر بە خوێندنەوەی چەند وتارێک بەردەوام بوو. بۆ بەرز راگرتنی یادی ژینای رەمز و سەرجەم گیانبەختکردووانی شۆڕشی ژن ژیان ئازادی، چەند سروود و چەند تابلۆیەکی هونەری لە لایەن هونەرمەندانی کورد و ئێرانی و دانمارکی پێشکەش کرا. ئاکسیۆنەکە بە پێشکەشکردنی گوڵی سوور بە هێمای ڕێزلێنان لە گیانبەختکردوان و دایکانی شۆڕش، و بروشووری تایبەت بە بزووتنەوەکەو و پاڵپشتی کردن لە بەندکراوانی سیاسی لە لایەن ئەندامانی کۆمەڵەی شۆڕشگێڕی زەحمەتکێشانی کوردستانی ئێران درێژەی کێشا و بە خوێندنەوەی و وتاری هاوبەش کۆتایی پێهات.
کۆمەڵەی شۆڕشگێڕی زەحمەتکێشانی کوردستانی ئێران- کومیتەی دانمارک
٢٥ی سیپتامبری ٢٠٢٣